Në mëngjesin e biznesit të mbajtur në Odën e Tregtisë dhe Industrisë së Bursës (BTSO) mori pjesë edhe Sekretari i Përgjithshëm i OTKT-së, Esin Muzbeg.

Ftesë për investim në Kosovë

Zëvendëskryeministri i Kosovës, Besnik Bislimi, tha se kanë vizituar Turqinë për disa ditë për të rritur marrëdhëniet ekonomike bilaterale dhe për të shpjeguar mundësitë për investime në Kosovë. Bislimi tha se kanë vizituar edhe Bursën pas takimit të mbajtur në DEIK në Stamboll në bashkëpunim me OTKT-në. Duke thënë se Kosova ka një potencial të ri të popullsisë, Bislimi tha se ofrojnë mundësi të mira për investitorët me avantazhe tatimore dhe mbështetje që i ofrohen sektorit privat.

Ndërsa edhe zëvendëskryeministrja e Kosovës, Emilja Rexhepi, ka shprehur kënaqësinë që është këtu. Nga ana tjetër, Ministri i Zhvillimit Rajonal, Fikrim Damka, duke theksuar mëgimtarët ballkanikë në Bursë, tha se e shohin këtë si një potencial dhe se synimi i tyre është të forcojnë marrëdhëniet ekonomike. Ministrja e Industrisë, Ndërmarrësisë dhe Tregtisë së Kosovës, Rozeta Hajdari, ndau informacione për ekonominë e Kosovës dhe mundësitë tregtare dhe i bëri thirrje botës së biznesit që të investojnë në Kosovë.

Kosova është një vend tërheqës për Turqinë

Kryetari i Odës e Tregtisë dhe Industrisë së Bursës, İbrahim Burkay, deklaroi se një nga partnerët më të rëndësishëm të Turqisë në Ballkan është Kosova. Burkay tha se Kosova është një vend tërheqës me veçoritë e veta si fakti që turqishtja flitet si gjuhë e përhapur në Kosovë, bankat turke që ofrojnë shërbime në rajon, si dhe për avantazhet logjistike. Kryetari i BTSO-së, İbrahim Burkay, dha informacione për treguesit ekonomikë të Bursës dhe preku mundësitë për bashkëpunim me Kosovën.

Në takim fjalën e morën biznesmenët nga Bursa të cilët janë të interesuar për mundësitë e biznesit në Kosovë dhe u shprehën se dëshirojnë të vlerësojnë mundësitë në Kosovë.

Zëvendëskryeministri Besnik Bislimi dhe ministrja e Industrisë, Ndërmarrësisë dhe Tregtisë Rozeta Hajdari folën për mundësitë që ka ofruar Kosova për botën e biznesit. Përfaqësuesit nga Kosova iu përgjigjën pyetjeve të përfaqësuesve të sektorit privat në Bursë në lidhje me investimet dhe tregtinë.