Samiti Ekonomik i Ballkanit në Edrene

01.11.2024

01.11.2024 – Ministri Turk i Tregtisë, Ömer Bolat, priti Ministrin e Zhvillimit Rajonal të Republikës së Kosovës Fikrim Damka dhe delegacionin e tij shoqërues gjatë Forumit të Biznesit të mbajtur në Edrene. Gjatë takimit u diskutua për një vizitë të mundshme në Kosovë dhe për marrëdhëniet ekonomike mes dy vendeve.

Në Forumin Ballkanik të Biznesit dhe Investimeve të mbajtur në Edrene morri pjesë edhe Oda Tregtare Kosovaro Turke (OTKT). Gjatë këtij forumi, ministri turk i Tregtisë Ömer Bolat, zhvilloi një takim dypalësh me Ministrin e Zhvillimit Rajonal të Kosovës Fikrim Damka. Në takim ishin të pranishëm Drejtori Ekzekutiv i OTKT-së Meriton Sunduri, dhe Sekretari i Përgjithshëm Esin Muzbeg.

Në takim u diskutua për mundësinë e një vizite të ministrit Bolat në Kosovë ku Oda Tregtare Kosovaro Turke bëri të ditur se gjatë kësaj vizite do të përpiqet të organizojë një forum ekonomik në Kosovë e cila do të kontribuonte në marrëdhëniet ekonomike dypalëshe. Gjatë forumit u theksua se marrëdhëniet ekonomike mes dy vendeve janë në një ecuri të mirë. Ndërsa OTKT, theksoi se zgjerimi i fushës së Marrëveshjes së Tregtisë së Lirë ndërmjet dy vendeve do të ishte në dobi të të dyja palëve.