OTKT themelon Komitetin Ligjor

14.06.2024

Oda Tregtare Kosovaro Turke (OTKT) themeloi Komitetin Ligjor.

Kryetare e këtij Komiteti u zgjodh Njomeza Zejnullahu, përfaqësuese e kompanisë Lex Business, ndërsa nënkryetar u zgjodh Sami Rexha, përfaqësues i kompanisë KEDS.

Komiteti do të përfaqësohet me 5 anëtarë. Partin Pruthi përfaqësues nga banka TEB, Qendresa Bajraktari përfaqësuese e kompanisë Vala Consulting dhe një përfaqësues nga Boga & Associates do të jenë pjesë e këtij Komiteti.

Drejtori Ekzekutiv Meriton Sunduri në takimin e mbajtur dje në OTKT tha se me krijimin e Komiteteve ka për qëllim të jetë më afër sektorëve dhe bizneseve. Sunduri duke folur për aktivitetet e Odës, u shpreh se me zgjerimin e rrjetit të anëtarëve krijohen mundësi për bashkëpunim dhe se mendimet, sugjerimet dhe shqetësimet e shprehura përmes komiteteve do të ndahen me institucionet përkatëse dhe publikun. Sunduri tha se pas Komitetit Ligjor do të themelohen edhe Komiteti i Financave, Tregtisë dhe Turizmit.

Nga ana tjetër, kryetarja e Komitetit Ligjor Njomeza Zejnullahu tha se siç parashikohet në rregullore, Komiteti do të bëjë vlerësime ligjore lidhur me legjislacionin si dhe do të përcjellë kërkesat dhe mendimet e anëtarëve institucioneve përkatëse.

Komiteti, i cili u zgjodh për një mandat dyvjeçar, pritet të mblidhet çdo tre muaj, përveç nëse kërkohet ndryshe. Mbledhja e parë pas kësaj mbledhjeje themeluese është planifikuar të mbahet në shtator. Rendi i ditës dhe çështjet që do të diskutojë komiteti janë të hapura për të gjithë anëtarët dhe do të ndahen me ta.