OTKT po merr pjesë në Panairin e organizuar në Kırklareli

05.12.2024

5.12.2024 – Me pjesëmarrjen e 160 kompanive nga 5 vende të ndryshme në Kırklareli, Türkiye, po organizohet “Panairi i 4-të i Bujqësisë, Blegtorisë, Industrisë Ushqimore dhe Makinave Bujqësore”. OTKT po prezantohet me një stendë kombëtare, duke promovuar si anëtarët e saj ashtu edhe Kosovën. Në këtë panair po marrin pjesë edhe Drejtori Ekzekutiv i OTKT-së, Meriton Sunduri, dhe Sekretari i Përgjithshëm Esin Muzbeg, si dhe Këshilltarët e Ministrit të Ministrisë së Bujqësisë, Pylltarisë dhe Zhvillimit Rural të Kosovës, Jehona Krasniqi, Arian Bugari dhe Shkelzen Haliti.

Në hapjen e panairit, Guvernatori i Kırklarelit, Uğur Turan, theksoi rëndësinë strategjike të sektorit të bujqësisë. Ai vuri në dukje kontributin e rëndësishëm të tokave pjellore të Kırklarelit në ekonominë dhe prodhimin e Türkiye’s duke theksuar se këto toka duhen vlerësuar siç duhet. Turan gjithashtu përmendi se prodhimi ditor i qumështit të papërpunuar në këtë rajon arrin 940 ton, një shifër që tejkalon ndjeshëm mesataren kombëtare të Turqisë.

Në kuadër të objektivit për të forcuar bashkëpunimin mes dy vendeve, OTKT për vizitorët e interesuar që po vazhdojnë të vizitojnë stendën e saj prezantoi klimën e biznesit në Kosovë. Gjithashtu, për të parë praktikat në Türkiye dhe për të përfituar nga përvojat e tyre, po zhvillohen takime me Odat e Tregtisë dhe Industrisë të rajonit si dhe me organizata bujqësore.